" يا قلـيــل الأدب " ..لأ ما تفهمنيش غلط .. أنا ما بشتمكش طبعاً .. و الله ما أقصد .. أنا بس بقول مصطلح .. يمكن يقول اتقالك قبل كدة من أبوك .. أو أمك ..أو حتى من مدرسك ..أو أى حد ..
أيوة يعنى احنـــا نعرف منين .. إن السلوك دى حاجة قلة أدب و لا لأ ...
ممكن تكون قلة الأدب ..دى هى التصرفات الوحشة اللى بتختلف عن باقى المجتمع حوالينا .. طب ما احنا لو بصينا حوالينا كدة شوية .. هنلاقى ان تقريباً ..كل حاجة بقت شاذة عن القاعدة .. فى الشارع ..فى التليفزيون .. و فكل حتة ... ايييه دة.. دة الدنيا نفسها بقت قليلة الأدب ...!!!
طب نبص ع الناس الكبار .. بيقولوا على ايه عيب و غلط .. و أكيد تبقى هى دى قلة الأدب .. بس الله دوول حاجات كتير بالنسبة لهم عيب و غلط .. مع انها حاجات عادية جداً .. و مش بتضر حد .. لكنهم لسة شايفينها بفكرهم هما .. لا لا لا .. أكيد مش هى دى قل الأدب بردو ...
قلة اأدب هى الحاجات اللى ديننا نهانا عنها .. و الحاجات الحرام .. أيوة ،، هو دة ...فعلاً ..أكيــــد هى دى فعلاً قلة الأدب ...
بس ثوانى هنــا ..طب هو احنا أصلاً فاهمين ديننا صح .. عشان نقدر من خلاله .. نحكم على السلوكيات دى غلط و لا لأ ..
ما هو أصل فى مليوون واحد حوالينا ... طوول النهار و الليل عمالين بيتكلموا فى الدين .. لأ ،، و كمان بيعارضوا بعض ...
طب احنــا بقى نعرف و نفهم منيين ؟؟! ...
يمكن بعد صراع طويل و مع كل حاجة حواليا .. قولت ممكن تكـــون قلة الأدب دى شئ نسبى لكل واحد .. يعنى اللى أنا شايفاه قلة أدب .. ممكن يبقى عند غيرى حاجة عادية .. بس الأكييد اننا مش لازم نحكم على حد إنه قليل الأدب من غير ما نشوف و نعرف كل تصرفاته فى حياته عامله ازااى ..
و لازم نفهم ديننا كويس أوووى .. و من خلاله نقدر نحدد التصرف دة غلط .. و يعتبر قلة أدب و لا لأ ...
ولو فيه نااس كبيرة كتير .. مُعتبرين إن جيلنـــا دة جيـــل قلييل الأدب ... اعذرونـــا بقى أديكم شايفين الحال حوالينا عامل إزاااى !!...
عمل الدوشة دى ... الدوشجية :هبـــة .
ليست هناك تعليقات:
إرسال تعليق