فـــاصل إعلانى ...

((فاصل اعلانى))..

كلمة بتسمعها كيتير اوى و انت بتتفرج على التليفزيون "فاصل اعلانى"..حاجة رخمة جداا..متعرفلهاش اول من اخر ..رغى و خلاص…حاجات غريبة و عجيبة وكلام ملخبط و مشخبط..ملوش طعم ولا لون ولا ممكن يكون مفهوم.

الواحد بيبقى قاعد لا بيه و لا عليه و تلاقى اعلان فجأة كده يدهشك…!!!

بصراحة مش عارفه اوصفه و اقول ايه؟؟ بس حاجة فظيعة فعلا لما يكون هو ده نظام الاعلام بتاع بلدنا..تبقى حاجة تكسف لما "حمزاوى" يبقى هو المثل الاعلى للشباب دلوقتى …لما اسمع كلام و حوارات كيتير عشان حماده "مقدرشى يغمض عينيه"…!

بجد حاجة تكسف والافظع من كده القناوات اللى بقوا معتمدين على المسابقات الهبلة اللى بتعلمنا الكسل واعتمدنا على الغير…وياريت الاسئلة ذكية و هدافة..بالعكس خالص دي اسئلة تافهة جدا..ليه وصلنا لدرجة دى ..الاعلام حاجة مهمة و مؤثرة جدا بتأثر فى شخصية الانسان حتى و لو بنسبة بسيطة.. ف مينفعش يبقى اعلامنا كده …بجد ساعات كيتير ببقى عايزه افهم مضمون الاعلان اللى بتفرج عليه..بحزن اوى على بلد كانت بتتميز بالاعلام المميزو الجميل…ودلوقتى بقى………..!!!

الاقى الاعلان بيستخف بعقول الناس الطيبة البسيطة اللى يمكن عقلها اكبر من عقل الانسان الاهبل مصمم الاعلان ده

نلاقلى الهدف من الاعلان العرى و الكذب و قلة الادب و الخراب و الكسل….و و و…..الخ

ممكن كلنا نسأل نفسنا اسئلة…..؟!


انا شخصيا معرفتلهاش اجابة ترضينى….


"ليه الاعلام وصل للدرجه دى؟؟؟؟

ليه بقى بيفسد بدل ما يصلح؟؟؟؟

هل العيب فى الاعلام ولا فينا احنا؟؟؟؟


ولا الى فوق هما اللى عايزنا نبقى كده؟؟؟؟


ساعات كيتير بيلح على سؤال مهم اووووى……..

ازاى الحكومة و السلطة ساكتة على السخافة دى…هما راضيين بمستوى الاعلام كده…ولا هما اللى أمرين بكده……..؟؟؟؟!؟!؟!؟!

اسئلة يمكن تكون صعبة حبيتين ….محتاجين لفاصل اعلانى

عمل الدوشة دى ... الدوشجية : سعــــاد.